Haath pakad le ab bhi tera ho skta hun mein,
Bheed bahut hai, Is mele mein kho sakta hu mein,
Peeche chute saathi mujhko yaad aa jaate hai,
Warna doad mein sabse aage ho sakta hu mein,
Kab samjhenge jinki khatir phool bichaata hu,
In rasto par kaante bhi to bo sakta hu mein,
Ik chota sa bachcha mujh mein ab tak jinda hai,
Choti choti baat pe ab bhi ro sakta hun mein,
Sannaate mein dahsat har pal goonja karti hai,
Is jungle mein chain se kese so sakta hu mein,
Soch Samjh kar chattaano se uljha hun warna,
Bahti ganga mein hath ko mein bhi do sakta hun.
No comments:
Post a Comment